Plantun de Prouvènço

Pèr coumpara dos planto d'encò nostre

Cerastium brachypetalum & Grimmia orbicularis

Cerastium brachypetalum

Caryophyllaceae

Nom en français : Céraiste à pétales courts.

Descripcioun :
Aquéu pichot ceraiste, que trachis dins lis ermas e li tepiero seco, èi forço bourrihu. Se recounèis e se destrìo de Cerastium glomeratum, mai coumun, emé si pecou de flour e subretout de fru de 1 à 2 cm e couida en aut. Li pedoun dis estamino soun peréu cilia. La subsp. dó nostre, ié dison brachypetalum.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 3 à 5 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mars à juliet

Liò : Ermas - Tepiero seco
Estànci : Subremediterran à Mountagnard
Couroulougi : Eurimediterrano
Ref. sc. : Cerastium brachypetalum Desp. ex Pers., 1805

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.